கடந்த இரு நாட்களுக்குப் பின் தங்க விலையில் அதிரடி மாற்றம்!

 

கடந்த இரண்டு நாட்களாக தங்க விலையில் எந்த மாற்றமும் இல்லாத நிலையில், இன்று (10) தங்க விலையில் குறிப்பிடத்தக்க வீழ்ச்சி பதிவாகியுள்ளது.

அகில இலங்கை நகையக வியாபாரிகள் சங்கம் வெளியிட்டுள்ள தகவலின்படி, 24 கரட் தங்கம் ஒரு பவுணுக்கு 5,000 ரூபாயால் குறைந்துள்ளது.

அதன்படி, தற்போதைய சந்தை நிலவரத்தின் அடிப்படையில் 24 கரட் தங்கம் ஒரு பவுண் 378,000 ரூபாயாக விற்பனை செய்யப்படுகிறது.

அதேநேரம், 22 கரட் தங்கம் ஒரு பவுண் 347,800 ரூபாயாக விற்பனையாகி வருவதாக தெரிவிக்கப்பட்டுள்ளது.

கிராம் அடிப்படையில் பார்க்கும்போது, 24 கரட் தங்கத்தின் ஒரு கிராம் 47,250 ரூபாயாகவும், 22 கரட் தங்கத்தின் ஒரு கிராம் 43,475 ரூபாயாகவும் விற்பனை செய்யப்படுவதாக நகையக வியாபாரிகள் சங்கம் குறிப்பிட்டுள்ளது.

சர்வதேச தங்கச் சந்தையில் ஏற்பட்டுள்ள மாற்றங்கள் மற்றும் அமெரிக்க டொலரின் பெறுமதி உள்ளிட்ட காரணிகளின் தாக்கத்தால் உள்நாட்டு தங்க விலையிலும் ஏற்ற இறக்கங்கள் தொடர்ந்தும் பதிவாகி வருகின்றன.

தங்கம் வாங்கத் திட்டமிட்டு இருந்தவர்களுக்கு இன்றைய விலை குறைவு ஓரளவு நிவாரணமாக அமைந்துள்ளதாக சந்தை தரப்புக்கள் தெரிவிக்கின்றன.