ஐரோப்பிய நாடுகளில் நிலவும் கடும் வெப்பம் காரணமாக, சீன நிறுவனமான 'மீடியா' (Midea) தயாரிக்கும் 'போர்ட்டா-ஸ்பிலிட்' (PortaSplit) வகை குளிரூட்டிகளுக்கு தற்போது பெரும் தேவை ஏற்பட்டுள்ளதாக சர்வதேச ஊடகங்கள் செய்தி வெளியிட்டுள்ளன.
ஜூன் மாதத்தில் ஐரோப்பாவின் பல நகரங்களில் வெப்பநிலை 40 பாகை செல்சியஸைத் தாண்டிப் பதிவாகியுள்ளது.
ஐரோப்பிய நகரங்களில் உள்ள பல பாரம்பரிய மற்றும் பழைய கட்டடங்களின் அமைப்பால், சுவர்களைத் துளையிட்டோ அல்லது வெளிப்புறத்தில் பெரிய அளவிலான குளிரூட்டும் இயந்திரங்களைப் பொருத்தியோ பயன்படுத்துவதற்கு கடுமையான கட்டுமானக் கட்டுப்பாடுகள் உள்ளன.
இந்தச் சூழலில், 'போர்ட்டா-ஸ்பிலிட்' கருவி ஜன்னல் வழியாக எளிதாகப் பொருத்தக்கூடிய வகையில் இருப்பதால், எந்தவொரு கட்டுமான மாற்றமும் இன்றி அதனைப் பயன்படுத்த முடிவது பொதுமக்களிடையே பெரும் வரவேற்பைப் பெற்றுள்ளது.
இந்தக் குளிரூட்டிகளின் விலை சுமார் 750 யூரோக்களாக இருந்தாலும், தேவை அதிகரிப்பால் சந்தைகளில் இவை விற்றுத் தீர்ந்துவிட்டன.
இதனால், இணையவழி விற்பனைத் தளங்களில் இதன் விலை அசல் விலையை விட இரண்டு முதல் மூன்று மடங்கு வரை அதிகரித்து விற்பனை செய்யப்படுவதாக சர்வதேச ஊடகங்கள் செய்தி வெளியிட்டுள்ளன.
0 comments:
Post a Comment